قصة الأنبياء 2
2
1وبكده أتم الله خلق السماوات والأرض وما عليها في ست أيام. 2واليوم السابع خلاه الله يوم للراحة بعد ست أيام تمم فيها خلقه. 3وبارك الله تعالىَ اليوم السابع وجعله مُخصص للراحة والعبادة لإنه تتم فيه كل اللي خلقه. 4وبكده تمم الله عز وجل خلق السماوات والارض.
خلق آدم وحواء
5قبل ما يخلق الله عز وجل الإنسان، ماكانتش الأرض طرحت لا عُشب ولا خضرة، لإنها كانت يابسة مانزلش عليها المطر ولا كان الإنسان اتخلق علشان يزرع فيها. 6لكن ظهر على الأرض ضباب فيه رطوبة سقىَّ الأرض الجافة. 7فأخذ الله عز وجل من طين الأرض وخلق الإنسان ونفخ فيه من روحه فبقى آدم نفس حية. 8بعدها أنبت الله سبحانه وتعالى جنة في مكان اسمه عدن شرق نهر الأردن وسكن آدم فيها. 9وأنبت الله عز وجل في الجنة كل أنواع الأشجار، ثمارها طيبة للأكل وشكلها جميل وملفته للنظر. وفي وسط الجنة كانت شجرة الحياة وشجرة معرفة الخير والشر. 10وكان بيجري في الجنة نهر بيرويها، وبيتفرع من النهر ده اربع أنهار. 11أسم النهر الأول نهر فيشون وهو النهر المحيط بأرض الحويلة بالجزيرة العربية الي موجود فيها الذهب. 12والذهب في الأرض دي جيد، وكمان فيها من العطور الفاخرة والأحجار الكريمة. 13واسم النهر الثاني جيحون، وهو اللي بيحيّط بأرض كوش أو النوبة، جنوب مصر. 14واسم النهر الثالث دجلة، وهو الي بيجري شرق أرض أشور. والنهر الرابع هو نهر الفرات. 15وجعل الله سبحانه وتعالى آدم عليه السلام يعيش في الجنة ويعتني بها. 16ووصَى الله عز وجل آدم وقال له: «يا آدم، ممكن تاكل من أي شجرة في الجنة، 17إلا شجرة معرفة الخير والشر لأنك يوم ما تاكل منها لازم هتموت.» 18ولما شاف الله سبحانه وتعالى أن آدم كان وحيد قال: «الأفضل أن آدم مايفضلش لوحده، فأخلق له مُعين وشريك يناسبه». 19بعدها جاب الله سبحانه وتعالى لآدم كل الحيوانات والطيور علشان يسميها. 20فسمى آدم كل الوحوش والبهائم والطيور بأسمائها. لكن آدم ملقاش لنفسه معين ولا شريك يشبهه بين كل المخلوقات اللي سماها. 21فجعل الله آدم عليه السلام يروح في نوم عميق وأخد ضلع من ضلوعه وغطىَ مكانه باللحم. 22وخلق الله عز وجل من الضلع ده إمرأة وقدمها لآدم. 23ففرح آدم وقال: «دي دلوقت عظامها من عظمي ولحمها من لحمي، واسمها امرأة لأن الله خلقها مني». 24علشان كده الرجل بيفارق أبوه وأمه ويرتبط بزوجته ويكونوا هم الإتنين واحد. 25وكان آدم وامرأته عريانين، لكنهم ماكانوش يعرفوا إيه الخجل.
Currently Selected:
قصة الأنبياء 2: EAT
Highlight
Share
Copy
Want to have your highlights saved across all your devices? Sign up or sign in
Wycliffe Bible Translators, Inc.