JUAN 5
5
Pannacaagas ti saan a macagunay idiay Betesda.
1Idi nalpas dagitoy, adda maysa a rambac dagiti Judio ket ni Jesus simmangat idiay Jerusalem.
2Ket adda idiay Jerusalem iti abay ti ruangan dagiti carnero ti maysa a tanke, a managan Betesda iti sao ti Hebreo, isu nga adda lima nga arcona a sercan,
3Cadagitoy adda a nagididda dagiti adu a masacsakit, bulbulsec, pilpilay, saan a macagunay, (nga agur-uray iti ti panaggaraw ti danum.
4Ta maysa nga angel bumaba idi iti maysa a canito idi tanke ket kiburenna ti danum; ti umuna ngarud a sumrec idi tanke iti calpasan ti pannacakibur ti danum, maagasan iti uray ania a sakit nga adda kencuana.)
5Ket adda idiay idi ti maysa a tao nga adda tal-lo pulo ket walo a tawenen a masakit.
6Idi makita ni Jesus daytoy a naidalit, ken naammoanna nga adda idiay a nabayagen iti daydi a casasaad, kinunana kencuana: Cayatmo ti mapaimbag?
7Simmungbat kencuana di masakit: Apo, awan ti tao a mangipisoc caniac idiay tanke no makibur ti danum; na no mapmapanac pay laeng, nacababan ti sabali nga umununa ngem siac.
8Cuna ni Jesus kencuana: #Mar. 2:11.Tumacderca, bagcatem ta iddam ket magnaca.
9Ket naigiddato a daydi tao napaimbag, ket binagcatna di iddana ket nagna. Ngem aldaw a panaginana #Juan 9:14.idi.
10Kinuna ngarud dagiti Judio idi napaimbag: aldaw a panaginana ket #Ex. 20:10. Neh. 13:19. Jer. 17:21, 22.di maipalubos kenca a bagcatem ti iddam.
11Ngem isu simmungbat cadacuada: Ti nangpaimbag caniac, kinunana caniac: Bagcatem ti iddam ket magnaca.
12Inintuudda kencuana: Asino a tao ti nagcuna kenca; Bagcatem ti iddam ket magnaca?
13Ngem daydi napaimbag dina ammo no asino; ta ni Jesus immadayu ta adda adu unay a tattao iti daydi a disso.
14Idi cuan masaracan ni Jesus idiay Templo, ket kinunana kencuana: Adtoy, a napaimbagcan: #Juan 8:11.dica agbasolen, di la ket ta mapasamac kenca ti dacdakes.
15Ti tao pimmanaw, ket impacaammona cadagidi Judio a ni Jesus ti nangpaimbag kencuana.
Ni Jesus ipacaammona nga isu Anac ti Dios, a maymaysada iti Ama.
16Ket gapu itoy, dagidi Judio amamsada ni Jesus, agsipud ta aramidenna dagitoy a banag iti aldaw a panaginana.
17Ngem ni Jesus simmungbat cadacuada: #Juan 9:4; 14:10.Ni Amac agingga ita agar-aramid, ket agararamidac met.
18Gapu itoy ngarud dagidi Judio naagagawada a mangpatay kencuana; ta saan laeng a dina ngilinen ti aldaw a panaginana no di ket cunana pay a ti Dios isu ti Amana, #Juan 10:33; 19:7. Fili. 2:6.nga impadana ti bagina iti Dios.
19Simmungbat ngarud ni Jesus ket kinunana cadacuada: Pudno, #Juan 8:28; 14:10.pudno cunac cadacayo: Ti Anac saanna a mabalinan ti agbucbucod nga agaramid iti uray ania no di ket ti makitana nga aramiden ti Ama, ta amin nga aramiden ti Ama dagitoy ti Anac aramidenna met a casta.
20Ta ti Ama #Juan 3:35.ayatenna ti Anac, ket ipakitana kencuana dagiti amin nga aramidenna: ket ipakitananto kencuana dagiti dacdackel pay nga ar-aramid ngem dagitoy, tapno agsiddaawcayo.
21Ta cas ti Ama #Rom. 4:17; 8:11. Efe. 2:5. Col. 2:13.pagungarenna dagiti natay ket iccanna ida ti biag, casta met ti Anac iccanna ti biag dagiti cayatna.
22Ta ti Ama awan ti ocomenna, no di ket #Juan 8:39. D. Ara. 10:42; 17:31.isu-amin a panangocom intedna iti Anac;
23Tapno dagiti isu-amin padayawanda ti Anac a cas met iti panangpadayawda iti Ama. #1 Juan 2:23.Ti saan a mangpadayaw iti Anac, saanna a padayawan ti Ama a nangibaon kencuana.
24Pudno, pudno, cunac cadacayo: #Juan 3:18; 8:51; 20:31.Ti dumngeg iti saoc ket patienna ti nangibaon caniac, adda biagna nga agnanayon; ket saanto nga umay iti pannacaocom, #1 Juan 3:14.no di ket nanipud ken patay immalis iti biag.
25Pudno, pudno, cunac cadacayo. Umay ti horas, ket adda itan, a #bil. 28. Efe. 5:14.dagiti natay mangngegdanto #Juan 11:43.ti timec ti Anac ti Dios; ket dagiti agdengngeg, agbiagdanto.
26Ta cas ti Ama adda kencuana met laeng ti biag, #Juan 1:4; 6:57.casta met impaayna nga ti Anac adda biag kencuana met laeng;
27Ket #bil. 22.intedna met kencuana ti kinaturay a mangocom, agsipud ta isu Anac ti tao.
28Dicay pagsiddaawan daytoy, ta umay ti horas a dagiti amin nga adda cadagiti tanem mangngegdanto ti timecna,
29Ket #1 Cor. 15:52. 1 Tes. 4:16.rummuardanto: dagiti nagaramid ti naimbag, iti panagungar ti biag; ken dagiti nagaramid ti dakes, iti panagungar ti pannacaocom.
30 # bil. 19. Awan ti pannacabalinco nga agaramid a sisiac iti uray ania; cas iti mangngegco, mangocomac, ket ti panangocomco nalinteg, ta #Juan 4:34; 6:38.diac sapulen ti nakemco, no di ket ti nakem ti nangibaon caniac.
31No #Juan 8:18, 54; 18:21.panecnecac ti maipapan caniac met laeng, ti pangpanecnecco saan a pudno.
32 # bil. 37. Sabali ti mangpanecnec iti maipapan caniac; ket ammoc a ti panecnec a pangpanecnecna iti maipapan caniac pudno.
33 #
Juan 1:19. Nangibaoncayo ken Juan, #Juan 1:7, 15.ket pinanecnecanna ti pudno.
34Ngem siac diac awaten ti pangpanecnec a nataoan; ngem cunac dagitoy, tapno maisalacancayo.
35Isu idi ti silaw a sumged ken manglawag: ket kinayatyo ti nagrag-o iti apagbiit iti lawagna.
36Ngem adda dacdackel a #1 Juan 5:9.pangpanecnecco ngem iti pangpanecnec ni Juan, ta #Juan 10:25, 38; 14:11.dagiti aramid nga inted ni Ama caniac a leppasec, dagita met laeng nga aramid nga aramidec, panecnecanda ti maipapan caniac a ti Ama imbaonnac.
37Ket #Mat. 3:17; 17:5.ni Ama a nangibaon caniac, panecnecanna ti maipapan caniac. Dacayo uray caano dicay nangngeg ti timecna ket #Juan 1:18.dicay met nakita ti langana.
38 #
1 Juan 4:13, 14. Ket ti saona saan nga agtaeng cadacayo, ta ti imbaonna, dicayo patien.
39Dacayo sukimatenyo dagiti Sursurat, agsipud ta pagarupenyo nga adda cadacuada ti biagyo nga agnanayon; ket #Luc. 24:27.dagitoy isuda ti mangpanecnec ti maipapan caniac;
40Ket nupay casta madicayo nga umay caniac, #Juan 1:11.tapno maaddaancayo coma ti biag.
41Diac awaten ti dayaw a nataoan.
42Ngem siac amammocayo nga awan cadacayo ti panagayat iti Dios.
43Immayac iti nagan ti Amac ket saandac nga awaten: no #Mat. 24:5. 2 Tes. 2:3, 4, 8-10.sabali ti umay coma iti naganna met laeng, isu awatenyonto.
44Casano ti pannacabalinna a mamaticayo, nga awatenyo ti dayaw iti maysa ken maysa, ket dicay biruken ti dayaw nga aggapu iti maymaysa laeng a Dios?
45Dicay pagarupen nga #Juan 3:17; 8:15.siac ipulongcayto iti sangoanan ni Ama; adda maysa a mangipulong cadacayo, ni Moises, a panginanamaanyo.
46Ta no pinatiyo ni Moises, pinatidac coma, #Luc. 24:27.ta isu nagsurat iti maipapan caniac.
47Ngem no dicay patien dagiti sursuratna, #Luc. 16:31.casanonto ti pammatiyo cadagiti saoc?
Currently Selected:
JUAN 5: TB1973
Highlight
Share
Copy
Want to have your highlights saved across all your devices? Sign up or sign in
Ti Biblia © 1973 Philippine Bible Society