Kolosyen 3
3
1Nou menm ki deja resisite ak #Sòm 110.1; Kol 2.12 Kris, se pou nou chache bagay ki nan syèl la kote Kris chita adwat Bondye. 2Pa #Mat 6.33 kite bagay ki sou latè pran tèt nou, mete lide nou sou bagay ki anwo nan syèl la. 3Konnen #Wòm 6.2 sa byen: nou mouri deja, lavi nou kache ansanm ak Kris la nan Bondye. 4Se #1 Kor 15.43; Fil 1.21; Gal 2.20 Kris la ki lavi nou tout bon. Lè la parèt, nou menm tou n'a parèt ansanm avè l nan tout bèl pouvwa li.
Lavi nou kounyeya pa menm ak lavi lontan an
5Se #Wòm 6.6; 8.13; Ef 4.19; 5.3,5 poutèt sa, se pou nou disparèt nan nou tou sa ki pa bon nan lemonn: imoralite, malpwòpte, vye pasyon, move lanvi, aloufa nan tout bagay (ki se menm ak sèvi zidòl). 6Se #Ef 5.6 tout bagay sa yo ki fè kòlè Bondye tonbe sou moun ki derefize obeyi li.#3.6: Gen maniskri ki pa bay sou moun ki derefize obeyi li. 7Se konsa nou t'ap viv nan tan lontan lè nou te anba pouvwa peche sa yo.
8Men #Ef 4.25-31; 5.4 kounyeya, pa fè kòlè, pa fè move san ni okenn mechanste. Se pou nou voye tout bagay sa yo jete. Pa kite okenn jouman ni okenn gwomo sòti nan bouch nou. 9Pa #Ef 4.22 bay frè nou yo manti. Paske, nou voye vye moun nou te ye a jete ansanm ak tout vye mès li yo. 10Kounyeya, nou #Ef 4.24; Jen 1.27 tounen yon lòt kalite moun, n'ap chanje jouk n'a rive sanble ak Bondye ki kreye nou an pou n te ka konnen l nèt.
11Se #Gal 3.28 sa k fè, pa gen moun ki jwif ak moun ki pa jwif ankò, pa gen moun ki sikonsi ak moun ki pa sikonsi ankò, pa gen moun ki etranje, ni moun ki bèt, pa gen moun ki esklav ak moun ki pa esklav. Se Kris la ki tout, se li ki nan nou tout.
12Nou #1 Pyè 2.9; Ef 4.2,32; 5.2 tout nou fè pati pèp Bondye a: se li menm ki te renmen nou, ki te chwazi nou pou n ka viv pou li. Se poutèt sa, se pou nou gen kè sansib anpil, pou n aji byen yonn ak lòt, san lògèy, avèk anpil dousè, anpil pasyans. 13Se #Mat 6.14; Ef 4.32; 5.2 pou nou yonn sipòte lòt, pou nou yonn padonnen lòt si nou gen kont yonn ak lòt. Wi, se pou yonn padonnen lòt, menm jan Kris la te padonnen nou. 14Men, #Wòm 13.8,10; Ef 4.3 anvan tout bagay, se pou nou gen renmen ki tankou yon kòd k'ap mare nou ansanm yonn ak lòt. 15Se #Ef 4.4; Fil 4.7; 1 Kor 12.13,27 pou nou viv byen yonn ak lòt, jan Kris la vle l la. Paske, Bondye rele nou pou nou viv byen yonn ak lòt pou nou ka fè yon sèl kò. Toujou chonje sa li fè pou nou. 16Se #Ef 5.19 pou pawòl Kris la ak tout richès li yo rete fèm nan lavi nou. Se pou nou yonn aprann nan men lòt, se pou yonn konseye lòt ak anpil konprann. Se pou nou chante sòm, kantik ak tout lòt chante legliz pou di Bondye mèsi ak tout kè nou. 17Tou #1 Kor 10.31; Ef 5.20 sa n'ap fè, tou sa n'ap di, fè l nan non Senyè Jezi a, san nou pa janm bliye di Bondye mèsi nan li.
Jan nou dwe viv nan Kris
18Nou #Ef 5.22—6.9 menm medam, soumèt devan mari nou paske se konsa pou moun ki kwè nan Senyè a aji.
19Nou #1 Pyè 3.7 menm mari, renmen madanm nou. Pa fè move jan ak yo.
20Nou menm timoun, se devwa nou pou nou obeyi manman nou ak papa nou nan tout bagay. Se sa ki fè Bondye plezi. 21Nou menm manman ak papa, pa pale twò rèd ak timoun yo pou sa pa dekouraje yo.
22Nou menm domestik, obeyi mèt nou gen sou latè a nan tout bagay. Se pa sèlman lè nou anba je yo pou nou obeyi yo, tankou moun k'ap fè lèzòm plezi. Men, se pou n obeyi yo ak tout kè nou, akòz respè nou gen pou Senyè a. 23Nenpòt travay yo ban nou fè, fè l ak tout kè nou tankou si se pa pou lèzòm nou t'ap travay, men pou Senyè a. 24Chonje byen: Senyè a gen pou ban nou rekonpans nou: l'ap ban nou eritaj li sere pou moun pa l yo. Paske, mèt n'ap sèvi tout bon an se Kris la. 25Men, #Wòm 2.11 moun ki fè sa ki mal va resevwa sa ki pou li dapre mal li te fè a. Paske, Bondye pa gade sou figi moun.
Chwazi Kounye ya:
Kolosyen 3: HAT98
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
Haitian Creole DC Bible © Societé Biblique Haïtienne, 1998.