Hou Van JesusVoorbeeld

In die strewe na vervulling in die lewe, stel tegnologie en sosiale media jou in staat om elke oomblik vas te vang. Jy is nie net op gejaag na sukses nie, maar jy kan "selfies" by elke rondte op jou pad wys. Wat net bevestig hoe tot-op-die-nano-sekonde gewild jy is.

Kry dus die grootste dataplan wat jy kan, en versamel wi-fi wagwoorde by elke stop. Gaan loer in by al die gewilde plekke. Deel elke inspirerende gedagte wat jy het, en elke grap. Neem baie foto's. Maak natuurlik ook videogrepe. En moet nooit ophou om alles op jou pad te stoor in die "cloud" nie.

Plaas alles aanlyn vir die hele wêreld om te sien. Stapel "likes" en vriende en volgers op totdat dit alles net een waansinnige verwarring is. Haas jouself totdat jou werklike lewe jou drome oortref. En uiteindelik, sodra jy die hoogtepunt bereik het, kan ek jou hierdie een ding waarborg: jou verlange na meer hou nooit op nie. Soos die nuutste tegnologie, is jou prestasies oornag verouderd.

Hoekom? Hoe kan dit moontlik wees?

Omdat jy nie vir die aarde geskep is nie. Jy is geskep vir die ewigheid. En daar is niks op hierdie aarde wat ooit daardie geestelike verlange wat jy binne voel kan bevredig nie — al kan jy dit alles versamel.

Niks.

Toe ek 'n tiener was, jare voor ek Christus geken het, het ek mense hoor sê: "God maak 'n Christus-vormige leemte in elke mens." Ek onthou dat daardie gesegde my gepla het. Ek onthou dat ek nie verstaan ​​het waarvan hulle praat nie. Maar toe het ek eendag self geleer hoekom hulle dit gesê het: want dit is absoluut waar. Niks buite 'n lewende verhouding met Christus kan ooit die leemte van daardie pyn in jou hart vul nie.

Jou aasjaag na sukses sal nooit genoeg wees nie. Christus is waarna jy soek. Hy is jou bron. Hy is jou krag. Hy is jou onderhouer. Hy is jou vreugde. Hy is jou tevredenheid. Hy is jou alles en alles. Hy is alles wat saak maak.

Wanneer Christus al is wat jy het, sal jy uiteindelik besef dat Christus al is wat jy nodig het.

Christus. Is. Al. Wat. Jy. Benodig.