Svun Mateo 1
1
Ja' li' yaloj ti c'usitic sbi smuc'tatotac ti Jesucristoe
(Lc 3.23-38)
1Ja' li' ts'ibabil sbiic ti smuc'tatotac ti Jesucristoe. Ti Jesucristoe ja' smuc'tatot ti Davide. Ti Davide ja' smuc'tatot ti Abrahame.
2I'ayan screm ti Abrahame, Isaac sbi. I'ayan screm ti Isaaque, Jacob sbi. I'ayan screm ti Jacobe, JudĂĄ sbi. Ti Judae oy sbanquiltac xchi'uc yits'intac. 3Vach i'ayan screm ti Judae, Fares sbi ti june, Zera sbi ti june. Ti sme'ique Tamar sbi. I'ayan screm ti Farese, Esrom sbi. I'ayan screm ti Esrome, Aram sbi. 4I'ayan screm ti Arame, Aminadab sbi. I'ayan screm ti Aminadabe, NaasĂłn sbi. I'ayan screm ti Naasone, SalmĂłn sbi. 5I'ayan screm ti Salmone, Booz sbi. Ti sme' Booze Raab sbi. I'ayan screm ti Booze, Obed sbi. Ti sme' Obede Rut sbi. I'ayan screm ti Obede, IsaĂ sbi. 6I'ayan screm ti Isaie, David sbi, i'och ta reyal.
I'ayan screm ti Davide, SalomĂłn sbi. Ti Salomone ja' sme' ti yajnil to'ox Uriase. 7I'ayan screm ti Salomone, Roboam sbi. I'ayan screm ti Roboame, AbĂas sbi. I'ayan screm ti Abiase, Asa sbi. 8I'ayan screm ti Asae, Josafat sbi. I'ayan screm ti Josafate, Joram sbi. I'ayan screm ti Jorame, UzĂas sbi. 9I'ayan screm ti UzĂase, Jotam sbi. I'ayan screm ti Jotame, Acaz sbi. I'ayan screm ti Acaze, EzequĂas sbi. 10I'ayan screm ti EzequĂase, ManasĂ©s sbi. I'ayan screm ti Manasese, AmĂłn sbi. I'ayan screm ti Amone, JosĂas sbi. 11I'ayan screm ti JosĂase, JeconĂas sbi. Ti JeconĂase oy ep sbanquil yits'in. Ja'o ti c'alal chucul ibatic ta Babilonia ti crixchanoetic ta israelale.
12Tey xa'ox tspasatic ta mantal ta Babilonia ti crixchanoetique ti c'alal i'ayan screm ti JeconĂase, Salatiel sbi. I'ayan screm ti Salatiele, Zorobabel sbi. 13I'ayan screm ti Zorobabele, Abiud sbi. I'ayan screm ti Abiude, Eliaquim sbi. I'ayan screm ti Eliaquime, Azor sbi. 14I'ayan screm ti Azore, Sadoc sbi. I'ayan screm ti Sadoque, Aquim sbi. I'ayan screm ti Aquime, Eliud sbi. 15I'ayan screm ti Eliude, Eleazar sbi. I'ayan screm ti Eleazare, MatĂĄn sbi. I'ayan screm ti Matane, Jacob sbi. 16I'ayan screm ti Jacobe, JosĂ© sbi. Ja' ti iyic' sba xchi'uc ti MarĂa sme' ti Cajvaltic Jesucristoe.
17Ja' yech i'ech' tal chanlajunq'uex totil me'il ti ilic tal ta Abrahame c'alal to David. Naca smomtac Abraham. Ja' no'ox yech noxtoc i'ech' chanlajunq'uex totil me'il ti ilic tal ta xch'amaltac ti Davide c'alal to chucul ibatic ta Babilonia ti crixchanoetic ta israelale, Naca smomtac David. Ti c'alal chucul ibatic ta Babilonia ti crixchanoetique, i'ech' chanlajunq'uex totil me'il noxtoc, ja'o xa i'ayan ti Cristoe.
Ja' li' yaloj ti c'u x'elan ital ta sba balamil ti Jesucristoe
(Lc 2.1-7)
18Ti c'alal i'ayan ti Jesucristoe, ja' yech smelol chac li'i. Ti sme'e, ja' ti Mariae, ja' sc'ubanoj ti Josee. Mu to'ox chic' sbaic. Ti Mariae ixchi'in yol ta syu'el ti Ch'ul Espiritue. 19Ti Josee lec ta jmec yo'on, mu sc'an xal a'yuc ti ta ox xicta ti slecome, yu'un mu sc'an xac' ta q'uexlal. Mucul ox chicta. 20Ti c'alal ja' xa'ox yech snopoj ti Josee, ja'o ivaychin. Isvaychin jun yaj ĂĄngel Cajvaltic. «JosĂ©, vo'ot smomot ti Davide, mu xa xi'. Ic'o li Mariae. Li yol xchi'inoje ta syu'el Ch'ul EspĂritu ixchi'in. 21Crem ta x'ayan. JesĂșs xavac'be sbiin yu'un ja' cha stojbe amulic, vo'oxuc ti st'ujojoxuc onox ti Rioxe.»
22Ja' ic'ot ti c'usi yaloj ti Rioxe ti c'alal ixch'amunbe ye ti yaj'alc'op ti ta vo'nee.
23«Ta to xchi'in yol jun tojol tseb,
crem ta x'ayan,
Emanuel ta sbiin.»
(Li smelol li sbie: «Riox li jchi'uctique» xi).
24Ti c'alal ijulav ti Josee, ti c'usi i'albat yu'un ti yaj angel Cajvaltique, ixch'un. Iyic' ono'ox ti Mariae. 25Pero muc xchi'in sbaic ta ora. Ja'to ixchi'in sbaic c'alal i'ayan ti sba yole. Ti Josee JesĂșs iyac'be sbiin ti unene.
Nu markerat:
Svun Mateo 1: LeqAC
MĂ€rk
Dela
Kopiera
Vill du ha dina höjdpunkter sparade pÄ alla dina enheter? Registrera dig eller logga in
© Sociedad Biblica de Mexico AC