Матвей 1
1
Иисусонь покштянзо-бабанзо
1Иисус Христосонь раськень лувозо: Иисус ульнесь Давид инязоронть раськень поладыцякс, Давид – Авраамонь раськень поладыцякс. Вана Иисусонь покштянзо-бабанзо:
2Авраамсто саезь Давид инязоронть видьс эрясть: Авраам, Исак, Яков, Иуда лелянзо-ялаксонзо* марто, 3Перес ды Зерах, конатнень аваст ульнесь Тамар, Есрон, Арам, 4Аминадав, Нахшон, Салмон, 5Боаз, конань авазо ульнесь Рахав*, Овид, конань авазо ульнесь Рут*, Иессей 6ды Давид инязорось.
Давидстэ саезь Вавилон масторов панема шкас* эрясть: Давид инязорось, Соломон, конань авазо васня ульнесь Уриянь никс, 7Рехавеам, Авия, Аса, 8Иосафат, Иорам, Узия, 9Иотам, Ахаз, Эзекия, 10Манассе, Амон, Иосия, 11Иоаким, Екония лелянзо-ялаксонзо марто.
12Вавилонов панема шкасто саезь Иисусонь чачома шкас эрясть: Екония, Салатил, Зоровавель, 13Авиуд, Элиаким, Азур, 14Садок, Ахим, Элиуд, 15Элеазар, Матван, Яков, 16Иосиф, Мариянь мирдезэ. Мария чачтызе Иисусонь, конанень лиякс мерить Пазонь кучовт Идиця.
17Истя весемезэ Авраамсто саезь Давид видьс ютасть ломанень кемнилее пингеть, Давидстэ саезь Вавилонов панема шкаскак таго ютасть ломанень кемнилее пингеть. Вавилонов панемадо мейле Пазонь кучовт Идицянь чачома шкаскак истя жо ютасть ломанень кемнилее пингеть.
Иисус Христосонь чачомазо
18Вана кода ульнесь Иисус Христосонь чачомазо: Иисусонь чачомадо икеле Сонзэ авазо Мария чиявтозель Иосифнень. Сынь пурнасть урьвакстомо-венчамо. Теде икеле Мария чарькодсь: сон учи эйкакш, кона сюлмавсь потмозонзо Иневанькс Оймеялтонть#1:18 Иневанькс Оймеялт – Святой Дух вельде. 19Иосиф, кона аравтозель Мариянень мирдекс, ульнесь видечинь ды Коень топавтыця ломань. Сонзэ арасель мелезэ совавтомс Мариянь визьксчамас весе ломантнень сельме икеле, ды секскак сезиксэлизе чиямонть лиятненень апак яволявто. 20Зярдо сон тень арсизе, онозонзо лиссь Азоронть#1:20 Азорось – Господь кучовт ангелэсь, кона мерсь тензэ: «Иосиф, Давид инязоронь цёра! Иля пеле саемс Мариянь эстеть никс. Эйкакшось, кона сюлмавсь сонзэ потсо, Иневанькс Оймеялтонть пельде. 21Сон чачты Цёра, конанень путт лем Иисус*, эдь Сон идесы Эсензэ израилень раськенть пежетензэ-грехензэ эйстэ». 22Те весе истя теевсь вана мекс: эрявсь топавтовомс валтнэнень, конатнень Азорось икеле ёвтынзе пазмарицянть#1:22 пазмариця – пророк вельде*:
23«Ванодо, тейтерь пекии ды чачты Цёра,
ды путыть Тензэ лем Иммануэл*»,
конань смустезэ: “Пазось минек марто”.
24Удомсто стямодо мейле Иосиф тейсь истя, кода тензэ мерсь Азоронть кучовт ангелэсь: сон саизе Мариянь эстензэ никс. 25Ансяк Иосиф эзь удо вакссонзо се шкас, зярс эзь чачо Мариянь Цёразо, васенце эйкакшозо. Иосиф Цёрантень путсь лем Иисус.
Currently Selected:
Матвей 1: ОВ
Označeno
Share
Copy
Want to have your highlights saved across all your devices? Sign up or sign in
© Библиянь ютавтомань институтось,
Хельсинки 2006