Mateus 1
1
Yeesus Kristus sayn foerkhomer
Lukas 3.23-38
1Tas is ti list fon Yeesus Kristus sayn foerkhomer, nookhomer fon Dawii, woo nookhomer waar fon Aapraham.
2Aapraham waar fater fon Iisak, Iisak waar fater fon Yaakop, un Yaakop waar fater fon Yutaa un tëm sayn priiter. 3Yutaa waar fater fon Përes un Seera, un tëne sayn mama waar Tamar. Përes waar fater fon Ësrom, woo fater waar fon Aron. 4Aron waar fater fon Aminataape, woo fater fon Nasom waar, woo fater fon Salmom waar. 5Salmom waar fater fon Boaas, un Boaas sayn moter waar Raabe. Boaas waar fater fon Opëët, un Opëët sayn mama waar Rute. Opëët waar fater fon Yesë, 6woo em kheenich Dawii sayne fater waar.
Dawii un ti fraa woo Urias sayn fraa foerheyer waar, waare eltre fon Salomon. 7Salomon waar fater fon Roboan, woo fater waar fon Apias, woo fater waar fon Asa. 8Asa waar fater fon Yosafaa, woo fater waar fon Yoran, woo fater waar fon Usias. 9Usias waar fater fon Yotan, woo fater waar fon Akaas, woo fater waar fon Esekiias. 10Esekiias waar fater fon Manasëës, woo fater waar fon Amom, woo fater waar fon Josias. 11Josias waar fater fon Jekonias un sayn priiter, in te tsayt woo ti israelite als kefangne noo Papiloonia kenom kep sin.
12Tëm noo wii tas folek noo Papiloonia kenom kep is, waar Jekonias fater fon Salatiel kep, woo fater fon Soropapël waar. 13Soropapël waar fater fon Apiuute, woo fater fon Eliakim waar, woo fater fon Asoor waar. 14Asoor waar fater fon Satok, woo fater waar fon Akim, woo fater waar fon Eliuute. 15Eliuute waar fater fon Eleasar, woo fater fon Matan waar, woo fater fon Yaakop waar. 16Yaakop waar fater fon Yoosef, Maria sayne man, un sii waar Yeesus sayn mama, te Kristus kenënt.
17Soo, waare es fërtsen xeneratsioone tsayt Aapraham pis Dawii, un fërtsen tsayt Dawii pis ti Israelite noo Papiloonia kenom kep waare. Fon too aan pis Yeesus uf ti welt khom is, waare es aach fërtsen xeneratsioone.
Yeesus Kristus sayn kepoer
Lukas 2.1-7
18Yeesus Kristus sayn kepoer waar soo paseyert: Maria, sayn mama, teet sich mit Yoosef ferhayrate. Awer, foer te hochtsayt, waar se en khint am waarte fom Hayliche Kayst. 19Yoosef, mit weem Maria hayrate teet, waar en man woo imer kemach hot was richtich is. Tee wolt Maria net fermache un, tesweche, wolt eyer ti hochtsayt woo se pextimt hate ausnaner mache, oone nimant se wise. 20Soo lang wii Yoosef sich too triwer am iwerleyer waar, is em Hër sayne ëngel in en traum fer iim tsum foerxayn khom un saat:
— Yoosef, nookhomer fon Dawii, prauchst khee pang hon fer Maria als tayn fraa aan nëme, wayl ti waart en khint fom Hayliche Kayst. 21Ti kriit en puupche, un tuu tuust tëm te naame Yeesus kewe, wayl tee wil sayn folek fon tëne sayn sinte rete.
22Tas ales is paseyert fer in se hale was te Hër kesaat hat torich te profët:
23“Ti yungfrau wërt en khint waarte
un kriit en puupche
woo Emanuel kenënt wërt.”
(Tee naame Emanuel petayt “Hërkot xteet uns pay”.)#Is 7.14 (LXX)
24Wii Yoosef wach kep is, hot er kemach wii em Hër sayne ëngel kexikt hot un hot sich mit Maria ferhayrat. 25Awer ti hon net paysamer kexlooft pis tas khint uf ti welt khom is. Un Yoosef hot tëm te naame Yeesus kep.#Lk 2.21
Currently Selected:
Mateus 1: NTHunsrik
Označeno
Share
Copy
Want to have your highlights saved across all your devices? Sign up or sign in
2022 Sociedade Bíblica do Brasil