मत्ती 1
1
ईसू की वंसावली
(लूका 3:23–38)
1अबराम का बेटा,#1:1 अबराम का बेटा अबराम की ओलाद दाऊद का बेटा#1:1 दाऊद का बेटा दाऊद की ओलाद ईसू मसी की वंसावली को बखाण अस्यान हे, 2अबराम को बेटो इसाक, पछे इसाक को बेटो याकूब, याकूब को बेटो यहूदो हो अन वींके ओरी भी ओलाद ही। 3यहूदा को बेटा फरिस अन ज्योरो हा अन फरिस अन ज्योरो की माँ तोमार ही। फरिस को बेटो हिस्तोन अन हिस्तोन बेटो एराम हो। 4एराम को बेटो अमीनादाब हो, अमीनादाब को बेटो नसोन, नसोन को बेटो सलमोन हो। 5सलमोन अन वींकी लुगई राहब को बेटो बोहाज हो अन बोहाज अन वींकी लुगई रुत को बेटो ओबेद हो अन पछे ओबेद को बेटो यिसे हो। 6#यर 27:20यिसे को बेटो राजा दाऊद हो। 7दाऊद को बेटो सुलेमान, वीं लुगईऊँ जनम व्यो, ज्या लुगई पेल्या उरिया की लुगई ही। 8सुलेमान को बेटो रहबाम हो, रहबाम को बेटो अबिया हो अबिया को बेटो आसा हो, आसा को बेटो यहोसापात हो अन यहोसापात को बेटो योराम हो, अन योराम को बेटो उज्जिया हो। 9उज्जिया को बेटो योताम हो अन योताम को बेटो आहाज हो, आहाज को बेटो हिजक्या हो। 10हिजक्या को बेटो मनस्सिया हो। मनस्सिया को बेटो आमोन हो अन आमोन को बेटो योस्सिया हो। 11अन इजराएलऊँ बंदी वेन बेबीलोन जाती दाण योसिया को बेटो यकुन्या व्यो अन वींके ओरी भई व्या।
12बंदी वेन बाबुल पोछ्याँ केड़े यकुन्या को बेटो सालतिएल व्यो अन सालतिएल को बेटो जरुब्बाबेल हो। 13अन जरुब्बाबेल को बेटो अबीहुद हो, अबीहुद को बेटो इल्याकिम हो अन इल्याकिम को बेटो अज्योर हो। 14अज्योर को बेटो सदोक हो, सदोक को बेटो अखीम हो अन अखीम को बेटो इलीहुद हो। 15इलीहुद को बेटो एलीयाजार हो, एलीयाजार को बेटो मत्तान हो अन मत्तान को बेटो याकूब हो। 16याकूब को बेटो युसुप हो ज्यो मरियम को धणी हो मरियमऊँ ईसू को जनम व्यो ज्यो मसी केवावे हे।
17अस्यान अबरामऊँ दाऊद तईं चवदा पिड़ीयाँ वीं। दाऊदऊँ लेन बंदी बणान बेबीलोन ले जाया तईं चवदा पीड़ी वी। बेबीलोन पोछ्याँ केड़े ईसू मसी का जनम तईं चवदा पिड़ीयाँ वीं।
ईसू मसी को जनम
(लूका 2:1–7)
18 #
लूका 1:27
ईसू मसी को जनम ईं तरिया व्यो, जद्याँ वींकी माँ मरियम की हगई यसुपऊँ वेगी तो वाँके ब्याव वेबा के, पेल्याई मरियम पुवितर आत्मा की तागतऊँ गरबवती वेगी। 19ईं वाते वींको घर–धणी युसुप ज्यो धरमी मनक हो अन वींने बदनाम ने करबो छातो हो, ईं वाते वो छानो–मानो वींने छोड़बा को बच्यार किदो।
20जद्याँ वो ईं बाताँ पे होच-बच्यार कररियो हो के, परबू को एक हरग-दुत वींने हपना में दिक्यो अन केबा लागो, “हे युसुप, दाऊद की बेटा, थूँ आपणी हगई वीं तकी मरियमऊँ ब्याव करन अटे लेन आबाऊँ मती दरप, काँके ज्यो वींका पेट में हे, वो पुवितर आत्मा का आड़ीऊँ हे। 21#लूका 1:31वाँ एक छोरा ने जणी, थूँ वींको नाम ईसू राकज्ये, काँके वो आपणाँ मनकाँ ने वाँका पापाऊँ बचाई।”
22यो हारोई ईं वाते व्यो के, ज्यो बचन परमेसर का आड़ीऊँ बोलबावाळे क्यो हो, वो पूरा वेवे के, 23#यसा 7:14“देको, एक कूँवारी गरबवती वेई अन एक बेटा ने जनम देई, अन वींको नाम इम्मानुएल राक्यो जई,” जिंको मतलब हे, “परमेसर आपणी हाते हे।”
24तद्याँ युसुप नींदऊँ जाग्यो अन वणी वस्यानीस किदो जस्यान परमेसर का हरग-दुत क्यो हो। वो मरियमऊँ ब्याव करन आपणाँ घरे लायो। 25#लूका 2:21अन जतरे वणी पूत ने जण्यो, वतरे वो वींका नके ने ग्यो। वणी आपणाँ बेटा को नाम ईसू राक्यो।
Currently Selected:
मत्ती 1: एम टी आर
Označeno
Share
Copy
Want to have your highlights saved across all your devices? Sign up or sign in
(c) 2010-2017, New Life Computer Institute. All rights reserved