Mateo 1
1
Ri quibꞌeꞌ ri i-rateꞌt-rumamaꞌ can ri Jesucristo
(Lc. 3:23-38)
1Chupan va libro va, tzꞌibꞌan can ri quibꞌeꞌ ri i-rateꞌt-rumamaꞌ can ri Jesucristo. Ri Jesucristo rumáma can ri rey David, y rumáma can jeꞌ ri Abraham.
2Ri Abraham rutataꞌ ri Isaac; ri Isaac rutataꞌ ri Jacob; ri Jacob rutataꞌ ri Judá y nicꞌaj chic ruchakꞌ-runimal. 3Y ri Judá y ri Tamar quitie-quitataꞌ ri Fares y ri Zara; y ri Fares rutataꞌ ri Esrom; y ri Esrom rutataꞌ ri Aram. 4Y ri Aram rutataꞌ ri Aminadab; ri Aminadab rutataꞌ ri Naasón; y ri Naasón rutataꞌ ri Salmón. 5Y ri Salmón y ri Rahab, rutie-rutataꞌ ri Booz; ri Booz y ri Rut rutie-rutataꞌ ri Obed; y ri Obed rutataꞌ ri IsaÃ. 6Y ri Isaà rutataꞌ ri rey David; y ri rey David rutataꞌ ri Salomón. Ri Salomón ral ri Betsabé ri raxjayil ri UrÃas, y después xuoc raxjayil ri rey David.
7Y ri Salomón rutataꞌ ri Roboam; ri Roboam rutataꞌ ri AbÃas; y ri AbÃas rutataꞌ ri Asa. 8Y ri Asa rutataꞌ ri Josafat; ri Josafat rutataꞌ ri Joram; y ri Joram rutataꞌ ri UzÃas. 9Y ri UzÃas rutataꞌ ri Jotam; ri Jotam rutataꞌ ri Acaz; y ri Acaz rutataꞌ ri EzequÃas. 10Y ri EzequÃas rutataꞌ ri Manasés; ri Manasés rutataꞌ ri Amón; y ri Amón rutataꞌ ri JosÃas. 11Y ri JosÃas xcꞌujieꞌ jun ralcꞌual ri xubꞌinaj JeconÃas y nicꞌaj chic ralcꞌual, chupan ri tiempo antok xaꞌtzꞌam y xaꞌcꞌuax ri israelitas chi xaꞌbꞌacꞌujieꞌ chupan ri Babilonia.#2R. 24:14-15; Jer. 27:20.
12Y antok icꞌo chic chireꞌ Babilonia, ri JeconÃas xcꞌujieꞌ jun ralcꞌual ri xubꞌinaj Salatiel; y ri Salatiel rutataꞌ ri Zorobabel. 13Y ri Zorobabel rutataꞌ ri Abiud; ri Abiud rutataꞌ ri Eliaquim; y ri Eliaquim rutataꞌ ri Azor. 14Y ri Azor rutataꞌ ri Sadoc; ri Sadoc rutataꞌ ri Aquim; y ri Aquim rutataꞌ ri Eliud. 15Y ri Eliud rutataꞌ ri Eleazar; ri Eleazar rutataꞌ ri Matán; ri Matán rutataꞌ jun chic ri Jacob jeꞌ rubꞌeꞌ. 16Y ri Jacob rutataꞌ ri José ri rachajil ri MarÃa. Y ri MarÃa xuoc rutieꞌ ri Jesús, ri Cristo.
17Catorce generaciones xaꞌcꞌujieꞌ; nitiquir-pa riqꞌuin ri Abraham hasta cꞌa riqꞌuin ri rey David. Y catorce jeꞌ generaciones xaꞌcꞌujieꞌ; nitiquir-pa riqꞌuin ri rey David hasta cꞌa chupan ri tiempo antok ri israelitas xaꞌcꞌuax Babilonia. Y catorce jeꞌ generaciones xaꞌcꞌujieꞌ; nitiquir-pa riqꞌuin ri tiempo antok ri israelitas xaꞌcꞌuax Babilonia, hasta cꞌa riqꞌuin ri Cristo.
Antok xalax ri Jesucristo
(Lc. 2:1-7)
18Antok xalax ri Jesucristo, quireꞌ xbꞌanataj: Ri MarÃa ri xuoc rutieꞌ ri Jesucristo, jun xtan cꞌutun chic ruma ri José chi nicꞌulieꞌ riqꞌuin.#Lc. 1:27. Pero antok cꞌa majaꞌ tiquicꞌan-quiꞌ, ri José xunaꞌiej chi ri MarÃa cꞌo chic encinta (embarazada). Ri MarÃa quireꞌ rubꞌanun xa ruma xka-pa ri EspÃritu Santo paroꞌ. 19Pero ri José ri ntuoc rachajil ri MarÃa, can jun alaꞌ choj; y mareꞌ man xrajoꞌ ta xralasaj rubꞌixic ri MarÃa chiquivach ri vinak,#Xa ta ri José xralasaj chi ri MarÃa cꞌo chic encinta (embarazada), ri MarÃa xquimisas ta cha abꞌaj, ruma qui-ley ri israelitas quireꞌ nuꞌej. rumareꞌ chalakꞌal nrajoꞌ nuyaꞌ can. 20Y jareꞌ nuꞌon pensar jajaꞌ, chi choj chalakꞌal nuyaꞌ can, antok cꞌo jun ángel richin ri Ajaf xucꞌut-riꞌ choch pa rachicꞌ, y xuꞌej cha: José, at rumáma can ri rey David, man taxiꞌij-aviꞌ chi ncacꞌulieꞌ riqꞌuin ri MarÃa ri acꞌutun chic chi ntuoc avaxjayil; ruma ja ri EspÃritu Santo ri xka-pa paroꞌ, mareꞌ vacame cꞌo chic encinta (embarazada). 21Ri acꞌual ri xtalax, jun chꞌiti alaꞌ, y jesus ri rubꞌeꞌ ri xtayaꞌ;#Lc. 1:31. ruma jajaꞌ xcaꞌrucol ri vinak choch ri qui-pecados.#Sal. 130:8.
22Nojiel reꞌ xbꞌanataj chi nuꞌon cumplir incheꞌl ruꞌeꞌn ri Ajaf Dios cha jun profeta ri xcꞌujieꞌ ojier can tiempo. Y quireꞌ xuꞌej:
23Titzꞌataꞌ chi cꞌo jun xtan xticꞌujieꞌ encinta (embarazada).
Y can xtalax jun ral-alaꞌ, ri xtubꞌinaj Emanuel.#Is. 7:14.
Ri bꞌiꞌaj reꞌ nrajoꞌ nuꞌej: Ri Dios cꞌo kiqꞌuin.
24Antok xcꞌastaj ri José, can xuꞌon-na-ve ri xꞌeꞌx cha ruma ri ángel richin ri Ajaf. Jajaꞌ can xucꞌan-na-ve ri MarÃa chi xuoc raxjayil. 25Pero man xvar ta yan riqꞌuin, hasta cꞌa xalax ri naꞌay ral. Y antok ri José xuyaꞌ rubꞌeꞌ ri acꞌual, jesus rubꞌeꞌ xuꞌon cha.#Lc. 2:21.
Nu geselecteerd:
Mateo 1: cakSMJ
Markering
Deel
Kopiëren
Wil je jouw markerkingen op al je apparaten opslaan? Meld je aan of log in
© 2010, Wycliffe Bible Translators, Inc. All rights reserved.