Dag 14 Donderdag 9 April
Jesus stel Nagmaal in
Op Donderdag het Jesus vir Petrus en Johannes vooruit na die bovertrek in Jerusalem gestuur, om gereed te maak vir die Pasga. Daardie aand, net na die son gesak het, het Jesus sy dissipels se voete gewas, en gewys hoe lyk liefde vir mekaar regtig.
Toe het Jesus die Pasga saam met hulle gevier, en gesê:
“Ek het baie daarna uitgesien om hierdie paasmaaltyd saam met julle te eet voordat Ek ly. Ek sê vir julle: Ek sal dit nie weer eet voordat dit in die koninkryk van God sy volle betekenis gekry het nie.”
Jesus was die Lam van God, en Hy sou die betekenis van die lammetjie wat gewoonlik met Pasga geslag en geoffer is, vervul. Dit sou ons vrymaak van die dood en sonde. Toe stel Jesus die Nagmaal in en het sy volgelinge gevra om sy offer te onthou deur die brood en wyn met mekaar te deel.
Later is Jesus en sy dissipels na die tuin van Getsemané, waar Jesus in angs gebid het tot die Vader. Later is Jesus deur Judas met ’n soen verraai, gearessteer, na Kajafas die hoëpriester geneem vir ondervraging, en daar het Petrus Hom verloën.