Johane 2
2
Jesu mbwaakasandula maanzi kuba waini ku-Kana
1 #
Joh 1:43
Eno amane mazuba obile kwakacitwa pobwe lyakukwata ku-Kana wakuGalilaya, abalo banyina Jesu bakaliko, 2awalo Jesu wakalitambidwe abasikwiiya bakwe kupobwe. 3Eno waini naakabulika, banyina Jesu bakamwaambila kuti, Tabajisi waini. 4#Joh 19:26; Mt 12:48; Mk 1:24Jesu wamwaambila kuti, Yoo mwanakazi, ndili enzi eyebo? Ciindi cangu tacinasika. 5Balo banyina bakabaambila basimilimo kuti, Zyoonse nzyati mwaambile, kamuzicita. 6#Mk 7:3,4Eno kwakalibikidwe awo matalo aamabwe aali musanu mulimwi, mbubuli ciyanza cabaJuda cakusalazya, akaleelene amwi azipempa zyobile, amwi ngazipempa zyotatwe. 7Jesu wakabaambila kuti, Amwaazuzye maanzi matalo. Bakatila mulingao, akazyula mwa. 8Nkabela wakati kulimbabo, Amuteke eno, mutole kulisimwaaba kulya, Bakatola. 9Batole boobo, aasole simwaaba kulya maanzi aakasanduka akaba waini, taali kuzi nkwaakazwida (pele basimilimo abakateka maanzi mbabakali kuzi), wakamwiita sikukwata, 10wakati, Bantu boonse balatalika kubika waini mubotu, banywa mubotu bantu nokugwisigwa mubi, yebo pe, wakalimuyobwede waini mubotu mane eno. 11#Joh 1:14; 11:40Aya ngamalele aakusaanguna Jesu ngaakacita ku-Kana waku-Galilaya, wakayubulula bulemu bwakwe, basikwiiya bakwe bakasyoma nguwe.
12 #
Mt 4:13; Joh 7:3 Musule azeezi wakaselemuka ku-Kapemauma, walo abanyina abanabakwabo abasikwiiya bakwe, Oko tabakakalide mazuba manjimanji.
Jesu mbwaakatanda abauzya muntempele
(Matayo 21:12-17; Marko 11:15-19; Luka 19:45-48)
13 #
Kul 12:1-27
Pasika waba-Juda wakali afwaafwi, eno Jesu wakainka ku-Jerusalemu. 14#Mt 21:12,13; Mk 11:15-17; Lk 19:45,46Mpoonya wakaakujana muntempele muli abauzya basune embelele enziba, abalo abasintana mali balikede. 15Nkabela wakalicitila mitatula yaloozi, wakabatandila anze lyentempele boonse, azyalo mbelele abasune, wakamwaya mali aabasikusintana, akusowaila matafule aabo. 16#Lk 2:49Alimwi wakati kulibaabo abauzya nziba, Amuzigwisye ezi zintu, mutiiciti ŋanda ya-Taata kuti ibe ŋanda yamakwebo. 17#Int 69:9Basikwiiya bakwe bakayeeya eco icakalembwa cakuti, Busungu bwakuŋanda yako bwandilya kundimaninina. 18#Mt 21:23; Joh 3:2Nkaambo kaako ba-Juda bakamuvuwa bakati, Ncili citondezyo ncoti tutondezye, oocita izili bobuya? 19#Mt 26:61; 27:40; Mk 14:58; 15:29Jesu wakabavuwa wakati, Amumwaye ntempele ino, ndiyooiyakulula kumazuba otatwe. 20Nkaambo kaako ba-Juda bakaamba kuti, Myaaka iili makumi one amusanu muumwi ndeyakayakwa ntempele, anu yebo uiyakulule kumazuba otatwe sena? 21#1 Kor 6:19Pele wali kwaamba ntempele yamubili wakwe. 22Nkaambo kaako naakabusigwa kulibasikufwa, basikwiiya bakwe bakayeeya kuti wali kwaamba aya, eno bakazuminina Magwalo, alyalo ijwi ndyaakaamba Jesu.
23Eno naakali mu-Jerusalemu kuciindi ca-Pasika, nokwakali pobwe, banjibanji bakazumina kuzina lyakwe, mbobakabona malele aakwe ngaakacita. 24Pele Jesu taakali kulisyomena mbabo, nkaambo walibezi bantu boonse, 25#Mk 2:8akwalo kuti teelede kuti aambwe bantu, nkaambo walo mwini walizi izyali mumyoyo yabantu.
Currently Selected:
Johane 2: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.