Luik 17
17
Tha wye tae forgie an hoo tae hae faith
1Yin day Jesus saed tae hïs follaers, “Thair'll aye be temptation tae dae wrang, but dear halp tha yin that daes tha tempin! 2It wud be faur bettèr fer hïm ïf a mïllstane wus hung roon hïs neck an he wus drapt ïntae tha sea, rether ner hïm leadin yin o these puir wee craitèrs asthray. 3Lïsten here, ïf summodie daes ocht agin ye, tell hïm he shudnae hae daen ït, an ïf he says he's sorrie, then forgie hïm. 4An ïf he keeps on daein ye wrang seiven times a day an ïs sorrie iverie time, then ye maun still forgie hïm.”
5An tha possels saed tae tha Loard, “Show iz hoo we can hae mair faith.” 6An tha Loard saed, “If yis haed faith as smaa as a mustèrt seed even, yis cud say tae thïs mulberry tree, ‘Cum oot bi tha ruit an plant yersel ïn tha sea’, an richt awa ït'd dae whut ït's toul.
7-8Whaniver yer sarvin man cums ïn frae tha plooin an mindin tha beese, ye wudnae say tae hïm, ‘Sït yersel doon quïck an hae a bite tae ait.’ Rether ye wud tell hïm tae clain hissel up an sarve you furst, an then tak hïs ain eftèr. 9A doot ye wudnae say, ‘Thenks’, tae yer ain man fer daein whut he's pyed tae dae! 10In tha same wye, whan ye dae ma bïddin, ye shud say, ‘We'r naethin oot o tha ordinarie! Fer we hae daen nae mair ner we haed tae.’ ”
Ten lepers cured
11An sae Jesus went on tae Jerusalem, follaein tha mairch atween Samaria an Galilee. 12-13As he went ïntae yin o tha vïllages, he saa ten men that wur lepers stannin a wyes aff, an the' caad oot tae hïm, “Jesus, Maistèr, tak peetie on iz!” 14An whaniver he saa thaim, he saed, “Awa tae tha preeshts an let thaim luk at ye.” An lo an behoul, as the' went thair wye, the' wur hailt! 15-16An yin o thaim, whan he saen he wus cured, turnt bak an cryed oot at tha tap o hïs voice, “Praise God!” Then he faad doon at Jesus' feet an gien thenks. An tha man wus a Samaritan, sae he wus. 17-18“Dïd A no cure ten men?” axt Jesus. “Whar's tha ither nine? Hae nane o thaim cum bak tae gie thenks tae God apairt frae thïs foreigner?” 19Jesus saed tae tha man, “Rise up an gang yer wye, yer faith haes made ye weel.”
Tha cumin o God's Kïngdom
20-21Yin time whaniver tha Pharisees axt Jesus whan God's Kïngdom wud cum, he toul thaim, “Yis cannae say, ‘Here ït ïs!’ or ‘Thair ït ïs!’ Tha Kïngdom o God ïs aareadie here amang yis#17.20-21 Or: inside yis, sae thair's nae use lukkin fer ït cumin!”
22An he saed tae hïs follaers, “Tha day wull cum whan yis'll want tae see tha Sinn o Man. Yis'll luk fer me an A'll no be here. 23Fowk micht say, ‘He's here or he's thair’, but tak nae notysh, an dïnnae rin eftèr thaim. 24Fer jist as tha lichtnin fleshes ower tha lïft, that's whut laik ït'll be, tha day tha Sinn o Man cums bak. 25But afore that, He'll hae tae suffer sair, an tha fowk roon hïm noo wull turn agin hïm. 26Whaniver tha Sinn o Man cums bak, ït'll be jist laik ït wus ïn Noah's day. 27Fer fowk wus aitin an drïnkin an gettin merriet, richt up tae tha verie day Noah went ïntae tha airk, then tha wattèr floodit an aa wur droont. 28It wull be tha same as ït wus ïn tha time o Lot; the' et an the' drunk an the' cairriet on wi thair bïzness o buyin, sellin, fairmin an biggin. 29But tha verie day that Lot went oot o Sodom, fire an brimstane cum doon frae heiven an the' wur aa kïllt. 30Tha same wull happen tha day yis see tha Sinn o Man cum bak. 31On that day, naebodie shud lea hïs ruiftap#17.31 It says: “on tha ruif o hïs hoose”. Tha ruifs wur flet ïn thaim days. an be gaun bak doon fer ocht ïn hïs hoose, an naebodie shud lea hïs fiel ether, tae gae bak hame. 32Mine whut happent tae Lot's guidwife! 33Whaiver houls on tae hïs life wull loass ït, an whaiver gies up hïs life wull aye hae ït. 34A'm tellin yis, ïn that nicht, twa fowk wull be ïn tha yin bed; yin wull be tuk an tha ither lef behin. 35Twa weemen wull be grindin mail thegither; yin wull be tuk an tha ither lef behin. [36Twa men wull be ïn tha fiel; tha yin wull be tuk an tha ither lef behin.]” 37An hïs follaers axt hïm, “Whar wull thïs tak place?” An Jesus toul thaim, “Whar ye see a crood o vultèrs, ye know thair's a deid bodie aboot. Ay, sae whaniver ye see tha signs A'm taakin aboot, then ye'll know weel eneuch!”
Currently Selected:
Luik 17: USNT
Highlight
Share
Copy
Want to have your highlights saved across all your devices? Sign up or sign in
© Ulster-Scots Language Society 2020
Luik 17
17
Tha wye tae forgie an hoo tae hae faith
1Yin day Jesus saed tae hïs follaers, “Thair'll aye be temptation tae dae wrang, but dear halp tha yin that daes tha tempin! 2It wud be faur bettèr fer hïm ïf a mïllstane wus hung roon hïs neck an he wus drapt ïntae tha sea, rether ner hïm leadin yin o these puir wee craitèrs asthray. 3Lïsten here, ïf summodie daes ocht agin ye, tell hïm he shudnae hae daen ït, an ïf he says he's sorrie, then forgie hïm. 4An ïf he keeps on daein ye wrang seiven times a day an ïs sorrie iverie time, then ye maun still forgie hïm.”
5An tha possels saed tae tha Loard, “Show iz hoo we can hae mair faith.” 6An tha Loard saed, “If yis haed faith as smaa as a mustèrt seed even, yis cud say tae thïs mulberry tree, ‘Cum oot bi tha ruit an plant yersel ïn tha sea’, an richt awa ït'd dae whut ït's toul.
7-8Whaniver yer sarvin man cums ïn frae tha plooin an mindin tha beese, ye wudnae say tae hïm, ‘Sït yersel doon quïck an hae a bite tae ait.’ Rether ye wud tell hïm tae clain hissel up an sarve you furst, an then tak hïs ain eftèr. 9A doot ye wudnae say, ‘Thenks’, tae yer ain man fer daein whut he's pyed tae dae! 10In tha same wye, whan ye dae ma bïddin, ye shud say, ‘We'r naethin oot o tha ordinarie! Fer we hae daen nae mair ner we haed tae.’ ”
Ten lepers cured
11An sae Jesus went on tae Jerusalem, follaein tha mairch atween Samaria an Galilee. 12-13As he went ïntae yin o tha vïllages, he saa ten men that wur lepers stannin a wyes aff, an the' caad oot tae hïm, “Jesus, Maistèr, tak peetie on iz!” 14An whaniver he saa thaim, he saed, “Awa tae tha preeshts an let thaim luk at ye.” An lo an behoul, as the' went thair wye, the' wur hailt! 15-16An yin o thaim, whan he saen he wus cured, turnt bak an cryed oot at tha tap o hïs voice, “Praise God!” Then he faad doon at Jesus' feet an gien thenks. An tha man wus a Samaritan, sae he wus. 17-18“Dïd A no cure ten men?” axt Jesus. “Whar's tha ither nine? Hae nane o thaim cum bak tae gie thenks tae God apairt frae thïs foreigner?” 19Jesus saed tae tha man, “Rise up an gang yer wye, yer faith haes made ye weel.”
Tha cumin o God's Kïngdom
20-21Yin time whaniver tha Pharisees axt Jesus whan God's Kïngdom wud cum, he toul thaim, “Yis cannae say, ‘Here ït ïs!’ or ‘Thair ït ïs!’ Tha Kïngdom o God ïs aareadie here amang yis#17.20-21 Or: inside yis, sae thair's nae use lukkin fer ït cumin!”
22An he saed tae hïs follaers, “Tha day wull cum whan yis'll want tae see tha Sinn o Man. Yis'll luk fer me an A'll no be here. 23Fowk micht say, ‘He's here or he's thair’, but tak nae notysh, an dïnnae rin eftèr thaim. 24Fer jist as tha lichtnin fleshes ower tha lïft, that's whut laik ït'll be, tha day tha Sinn o Man cums bak. 25But afore that, He'll hae tae suffer sair, an tha fowk roon hïm noo wull turn agin hïm. 26Whaniver tha Sinn o Man cums bak, ït'll be jist laik ït wus ïn Noah's day. 27Fer fowk wus aitin an drïnkin an gettin merriet, richt up tae tha verie day Noah went ïntae tha airk, then tha wattèr floodit an aa wur droont. 28It wull be tha same as ït wus ïn tha time o Lot; the' et an the' drunk an the' cairriet on wi thair bïzness o buyin, sellin, fairmin an biggin. 29But tha verie day that Lot went oot o Sodom, fire an brimstane cum doon frae heiven an the' wur aa kïllt. 30Tha same wull happen tha day yis see tha Sinn o Man cum bak. 31On that day, naebodie shud lea hïs ruiftap#17.31 It says: “on tha ruif o hïs hoose”. Tha ruifs wur flet ïn thaim days. an be gaun bak doon fer ocht ïn hïs hoose, an naebodie shud lea hïs fiel ether, tae gae bak hame. 32Mine whut happent tae Lot's guidwife! 33Whaiver houls on tae hïs life wull loass ït, an whaiver gies up hïs life wull aye hae ït. 34A'm tellin yis, ïn that nicht, twa fowk wull be ïn tha yin bed; yin wull be tuk an tha ither lef behin. 35Twa weemen wull be grindin mail thegither; yin wull be tuk an tha ither lef behin. [36Twa men wull be ïn tha fiel; tha yin wull be tuk an tha ither lef behin.]” 37An hïs follaers axt hïm, “Whar wull thïs tak place?” An Jesus toul thaim, “Whar ye see a crood o vultèrs, ye know thair's a deid bodie aboot. Ay, sae whaniver ye see tha signs A'm taakin aboot, then ye'll know weel eneuch!”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Ulster-Scots Language Society 2020