JUAN 3
3
Ni Jesus makisao ken Nicodemo iti maipapan iti baro a pannacayanac.
1Ket adda idi maysa a tao cadagiti Fariseo a managan #Juan 7:50; 19:39.Nicodemo, #Luc. 23:35; 24:20. Juan 12:42.panguloen dagiti Judio:
2Daytoy immay ken Jesus iti rabii, ket kinunana kencuana: Mannursuro, ammomi a maysaca a mannursuro a naggapu iti Dios; ta #Juan 2:11, 23; 5:36; 9:16, 33; 14:10, 11.awan ti macabalin a mangaramid cadagitoy a pagilasinan nga aramiden, no awan ti Dios kencuana.
3Simmungbat ni Jesus, ket kinunana kencuana: Pudno, pudno, cunac kenca, #Juan 1:13. Gal. 6:15. 1 Juan 3:9.no ti maysa a tao saan a mayanac a mabaliwan, saanna a mabalin a kitaen ti pagarian ti Dios.
4Cuna kencuana ni Nicodemo: Casano ti pannacabalin ti tao a mayanac idinto a lacayen? mabalinna aya ti sumrec manen iti aanacan ni inana, ken mayanac?
5Simmungbat ni Jesus: Pudno, pudno, cunac kenca, no ti maysa saan a mayanac #Mar. 16:16.iti danum ken iti #D. Ara. 2:38. Tit. 3:5.Espiritu, saanna a mabalin ti sumrec iti pagarian ti Dios.
6 #
Juan 1:13. 1 Cor. 15:50. Ti mayanac iti lasag, isu lasag; ket ti mayanac iti Espiritu, isu espiritu.
7Dica pagsiddaawan a kinunac kenca; Masapul cadacayo ti mayanac a mabaliwan.
8Ti angin agpuyupuy iti pagayatanna, ket mangngegmo ti awerna; ngem dica ammo no adino ti paggapuanna ken adino ti papananna: casta ti amin a mayanac iti Espiritu.
9Simmungbat ni Nicodemo, ket kinunana kencuana; #Juan 6:52, 60.Casano ti pannacabalinna a maaramid dagitoy?
10Simmungbat ni Jesus, ket kinunana kencuana: Sica ti mannursuro ti Israel, ket dica ammo dagitoy?
11Pudno, pudno, cunac kenca a ti ammomi saoenmi, ket ti nakitami, sacsianmi; ket #bil. 32.dicay awaten ti pangpanecnecmi.
12No imbagac cadacayo dagiti banag a naidagaan, ket dicay patien, casanonto la ket ti pammatiyon no ibagac cadacayo dagiti nailangitan?
13Ket #Juan 6:62.awan ti immuli sadi langit, no di #Juan 6:38, 42, 51, 58.ti bimmaba nanipud langit, ti Anac ti tao.
14Ket #Num. 21:9.no casano iti #Juan 8:28; 12:32, 34.panangibayog ni Moises iti uleg idiay let-ang, casta met a masapul a ti Anac ti tao maibayog;
15Tapno amin a mamati kencuana #bil. 36. Juan 8:40, 47.maaddaan ti biag nga agnanayon.
16Ta casta la unay ti panagayat #Rom. 5:8. 1 Juan 4:9.ti Dios iti lubong; nga #Rom. 8:32.intedna ti Anacna a #Juan 1:28.Bugbugtong, tapno amin a mamati kencuana, saan a mapucaw, no di ket adda biagna nga agnanayon.
17Ta saan nga imbaon ti Dios #Juan 10:36.ti Anacna iti lubong, a mangocom iti lubong; #Mat. 18:11.no di ket tapno ti lubong, maisalacan gapu kencuana.
18Ti mamati kencuana, #Juan 5:24.saan a maocom; ngem ti di mamati kencuana, naocomen, agsipud ta saan a namati iti nagan ti Bugbugtong nga Anac ti Dios.
19Ket daytoy ti pacaocoman, #Juan 1:4, 9.ta ti silaw immay iti lubong, ket dagiti tao inayatda ti #Juan 1:5.sipnget a nangnangrona ngem iti lawag; ta dakes idi dagiti aramidda.
20Ta #Rom. 13:12. Efe. 5:13.amin nga agaramid ti dakes, guraenna ti lawag ket saan nga umay iti lawag, di la ket ta dagiti aramidna mababalaw.
21Ngem ti agaramid iti pudno, umay iti lawag, tapno dagiti aramidna maiparangarang a naaramidda a mayannurot iti Dios.
Baro a pangpanecnec ni Juan a Bautista.
22Idi nalpas dagitoy, immay ni Jesus ken dagiti adalanna iti daga ti Judea; ket idiay nakipaggian cadacuada, #Juan 4:2.ket nangbautizar.
23Ket nangbabautizar met ni Juan idiay Enon, iti dinna ti Salim, ta adda idiay idi ti adu a danum: ket immayda idi ket nabautizaranda.
24Ta ni #Mat. 4:12.Juan saan pay idi a naipisoc iti pagbaludan.
25Nabangon ngarud ti maysa a suppiat idi cadagiti adalan ni Juan ken ti maysa a Judio a maipapan iti #Juan 2:6.panaggugor.
26Ket immayda ken Juan ket kinunada kencuana: Mannursuro, daydi adda idi a naicuyog #Juan 1:18.kenca idiay labes ti Jordan, isu #Juan 1:7, 15, 34.a pinanecnecam, adtoy nga isu mamautizar ket amin a tattao umayda kencuana.
27Simmungbat ni Juan ket kinunana: Ti maysa a tao saanna a mabalin ti umawat ti uray ania no saan a naited kencuana nanipud langit.
28Dacayo met laeng masacsiandac a kinunac: #Juan 1:20, 27.Saan a siac ti Cristo, no di ket #Juan 1:23.naibaonac iti casangoananna.
29Ti makinasawa iti novia, isu ti #Mat. 25:1.novio; ngem ti #Oc. 14:20.gayyem ti novio nga umimimatang ket mangngegna, agragrag-o unay gapu ti timec ti novio: Ngarud daytoy rag-oc nagdanunan.
30 #
Mat. 3:11. Isu masapul a dumackel, ngem siac masapul a bumassitac.
31 # bil. 13. Ti umay manipud ngato, nangatngato ngem cadagiti isu-amin: #1 Cor. 15:47.ti taga daga, isu naindagaan; ket banbanag a naidagaan dagiti saoenna: ti umay manipud langit, nangatngato ngem cadagiti isu-amin.
32Ti #bil. 11. Juan 1:18.nakitana ken #Juan 8:26; 15:15.nangngegna, isu ti sacsianna; ket #Juan 1:10, 11.awan ti umawat ti pangpanecnecna.
33Ti umawat ti pangpanecnecna, pinanecnecanna a ti #1 Juan 5:10.Dios pudno.
34Ta ti imbaon ti Dios, saoenna dagiti sao ti Dios; ta ti Dios saanna a rucrucoden ti Espiritu nga itdenna.
35Ti Ama #Mat. 3:17. Juan 5:20.ayatenna ti Anac, ket amin dagiti banag impaimanan kencuana.
36 #
Hab. 2:4. Juan 1:12; 6:40, 47. Ti mamati iti Anac, adda biagna nga agnanayon; ngem ti saan nga agtulnog iti Anac, saannanto a makita ti biag, no di ket ti pungtot ti Dios agtaeng kencuana.
Currently Selected:
JUAN 3: TB1973
Highlight
Share
Copy
Want to have your highlights saved across all your devices? Sign up or sign in
Ti Biblia © 1973 Philippine Bible Society