Yauhaas 2
2
Ua Tshoob huv Lub Zog Kanas
1Tau ob nub tom qaab, muaj tuabneeg ua ib rooj tshoob huv lub zog Kanas kws nyob huv xeev Kalilais. Yexus nam moog nrug puab noj tshoob, 2puab caw Yexus hab nwg cov thwjtim moog koom hab. 3Thaus cawv txiv maab taag lawm, Yexus nam has rua Yexus has tas, “Puab cov cawv txiv maab taag lawm.”
4Yexus teb has tas, “Tsis taag koj yuav has le ko rua kuv, tseem tsi tau txug kuv lub sijhawm.”
5Ces Yexus nam has rua cov tubkhai has tas, “Nwg kuas mej ua dlaabtsi, mej ca le ua lawv le nwg has.”
6Cov Yudais ibtxwm ua kevcai ntxuav, yog le ntawd txhaj muaj rau lub hub dlej nyob ntawd, cov hub ntawd ib lub twg ntim tau plaub lossis tsib thoob dlej. 7Yexus has rua cov tubkhai has tas, “Mej ca le moog nqaa dlej lug laub kuas puv nkaus cov hub nuav.” Ces puab txawm moog nqaa dlej lug laub puv nkaus rua huv cov hub ntawd, 8hab Yexus has rua puab tas, “Mej ca le has mivntsiv nqaa moog rua tug kaavxwm.” Puab txawm has mivntsiv nqaa moog rua tug kaavxwm. 9Thaus tug kaavxwm saaj cov dlej kws txa ua cawv txiv maab ntawd lawm. Nwg tsi paub has tas muab cov cawv txiv maab ntawd qhov twg lug (tabsis cov tubkhai kws has cov dlej ntawd tub paub lawm); yog le ntawd, tug kaavxwm txhaj hu tug nraug vauv lug 10hab has rua nwg tas, “Txhua tug yeej xub muab cov thawj caw lug rua suavdlawg haus ua ntej tsaiv, hab thaus suavdlawg haus ntau lawm, nwg maam muab cov tw lug rua suavdlawg haus. Tabsis koj tsi ua le ntawd, koj tsua muab cov thawj caw txiv maab ca rua tom qaab!”
11Thawj zag txujci tseemceeb nuav, Yexus ua huv lub zog Kanas kws nyob huv xeev Kalilais; nwg ua le ntawd qha nwg lub fwjchim rua suavdlawg pum, hab nwg cov thwjtim pum le ntawd puab ntseeg nwg.
12Tom qaab ntawd, Yexus hab nwg nam, nwg cov kwv, hab nwg cov thwjtim txawm moog rua huv lub zog Kapena-us hab puab nyob huv tau ob peb nub.#Mat 4.13
Yexus Moog rua huv Lub Tuamtsev
(Mathais 21.12-13; Malakaus 11.15-17; Lukas 19.45-46)
13Thaus yuav txug lub caij kws ua Kevcai Hlaa Dlhau, Yexus txawm moog nraag lub nroog Yeluxalees.#Tsd 12.1-27 14Yexus pum tej tuabneeg tuaj muag nyuj, yaaj, nquab, hab cov tuabneeg pauv nyaj nyob nplawg nta ntawm puab tej rooj ntawm lub Tuamtsev lub tshaav puam. 15Yog le ntawd, Yexus muab ib cov hlua ntswj kag ua ib qhoo hab lawv puab tej nyuj hab tej yaaj tawm ntawm lub Tuamtsev huv tuabsi moog; nwg muab cov tuabneeg pauv nyaj tej rooj ntxeev pis hlo ua rua puab tej nyaj poob dlawb vog; 16hab Yexus has rua cov tuabneeg muag nquab has tas, “Mej ca le nqaa mej tej nquab tsiv ntawm nuav moog! Tseg kag tsi xob tuaj muab kuv Txiv lub tsev ua chaw ua laag ua luam ib zag le.” 17Thaus Yexus cov thwjtim pum le ntawd, puab ncu dlheev txug Vaajtswv Txujlug kws has tas, “Vaajtswv, kuv mob sab koj lub tsev heev, ib yaam le suavtawg kub huv kuv lub sab.”#Pnk 69.9
18Cov Yudais tej numtswv lug nug Yexus has tas, “Koj puas ua tau tej txujci tseemceeb qha rua peb has tas koj muaj cai tuaj ua le nuav?”
19Yexus teb has tas, “Mej ca le muab lub Tuamtsev nuav rhuav povtseg, hab peb nub xwb kuv yuav rov ua tau dlua ib lub tshab.”#Mat 26.61; 27.40; Mak 14.58; 15.29
20Puab nug Yexus has tas, “Lub Tuamtsev nuav peb ua tau plaub caug rau xyoo txhaj le tav, peb nub xwb koj puas yuav ua tau ib lub?”
21Tabsis lub Tuamtsev kws Yexus has ntawd, yog has txug nwg lub cev. 22Yog le ntawd, thaus Vaajtswv tsaa Yexus sawv huv qhov tuag rov qaab lug lawm, Yexus cov thwjtim ncu dlheev txug tej lug kws nwg has ntawd, puab txhaj ntseeg Vaajtswv Txujlug kws luas sau tseg hab Yexus tej lug.
Yexus Paub tej Kws Tuabneeg Lub Sab Xaav
23Thaus lub sijhawm kws suavdlawg ua Kevcai Hlaa Dlhau ntawd, Yexus tseem nyob huv lub nroog Yeluxalees, muaj tuabneeg coob coob lug ntseeg Yexus, rua qhov puab pum tej txujci tseemceeb kws Yexus ua. 24Tabsis Yexus tsi ntseeg puab sab, rua qhov nwg yeej paub suavdlawg lub sab lawm. 25Tsi taag leejtwg yuav qha nwg lub sab rua Yexus le, rua qhov Yexus yeej paub txhua tug lub sab xaav lawm.
Currently Selected:
Yauhaas 2: HNJ2000
Highlight
Share
Copy
Want to have your highlights saved across all your devices? Sign up or sign in
© 2000 United Bible Societies. All rights reserved.
Yauhaas 2
2
Ua Tshoob huv Lub Zog Kanas
1Tau ob nub tom qaab, muaj tuabneeg ua ib rooj tshoob huv lub zog Kanas kws nyob huv xeev Kalilais. Yexus nam moog nrug puab noj tshoob, 2puab caw Yexus hab nwg cov thwjtim moog koom hab. 3Thaus cawv txiv maab taag lawm, Yexus nam has rua Yexus has tas, “Puab cov cawv txiv maab taag lawm.”
4Yexus teb has tas, “Tsis taag koj yuav has le ko rua kuv, tseem tsi tau txug kuv lub sijhawm.”
5Ces Yexus nam has rua cov tubkhai has tas, “Nwg kuas mej ua dlaabtsi, mej ca le ua lawv le nwg has.”
6Cov Yudais ibtxwm ua kevcai ntxuav, yog le ntawd txhaj muaj rau lub hub dlej nyob ntawd, cov hub ntawd ib lub twg ntim tau plaub lossis tsib thoob dlej. 7Yexus has rua cov tubkhai has tas, “Mej ca le moog nqaa dlej lug laub kuas puv nkaus cov hub nuav.” Ces puab txawm moog nqaa dlej lug laub puv nkaus rua huv cov hub ntawd, 8hab Yexus has rua puab tas, “Mej ca le has mivntsiv nqaa moog rua tug kaavxwm.” Puab txawm has mivntsiv nqaa moog rua tug kaavxwm. 9Thaus tug kaavxwm saaj cov dlej kws txa ua cawv txiv maab ntawd lawm. Nwg tsi paub has tas muab cov cawv txiv maab ntawd qhov twg lug (tabsis cov tubkhai kws has cov dlej ntawd tub paub lawm); yog le ntawd, tug kaavxwm txhaj hu tug nraug vauv lug 10hab has rua nwg tas, “Txhua tug yeej xub muab cov thawj caw lug rua suavdlawg haus ua ntej tsaiv, hab thaus suavdlawg haus ntau lawm, nwg maam muab cov tw lug rua suavdlawg haus. Tabsis koj tsi ua le ntawd, koj tsua muab cov thawj caw txiv maab ca rua tom qaab!”
11Thawj zag txujci tseemceeb nuav, Yexus ua huv lub zog Kanas kws nyob huv xeev Kalilais; nwg ua le ntawd qha nwg lub fwjchim rua suavdlawg pum, hab nwg cov thwjtim pum le ntawd puab ntseeg nwg.
12Tom qaab ntawd, Yexus hab nwg nam, nwg cov kwv, hab nwg cov thwjtim txawm moog rua huv lub zog Kapena-us hab puab nyob huv tau ob peb nub.#Mat 4.13
Yexus Moog rua huv Lub Tuamtsev
(Mathais 21.12-13; Malakaus 11.15-17; Lukas 19.45-46)
13Thaus yuav txug lub caij kws ua Kevcai Hlaa Dlhau, Yexus txawm moog nraag lub nroog Yeluxalees.#Tsd 12.1-27 14Yexus pum tej tuabneeg tuaj muag nyuj, yaaj, nquab, hab cov tuabneeg pauv nyaj nyob nplawg nta ntawm puab tej rooj ntawm lub Tuamtsev lub tshaav puam. 15Yog le ntawd, Yexus muab ib cov hlua ntswj kag ua ib qhoo hab lawv puab tej nyuj hab tej yaaj tawm ntawm lub Tuamtsev huv tuabsi moog; nwg muab cov tuabneeg pauv nyaj tej rooj ntxeev pis hlo ua rua puab tej nyaj poob dlawb vog; 16hab Yexus has rua cov tuabneeg muag nquab has tas, “Mej ca le nqaa mej tej nquab tsiv ntawm nuav moog! Tseg kag tsi xob tuaj muab kuv Txiv lub tsev ua chaw ua laag ua luam ib zag le.” 17Thaus Yexus cov thwjtim pum le ntawd, puab ncu dlheev txug Vaajtswv Txujlug kws has tas, “Vaajtswv, kuv mob sab koj lub tsev heev, ib yaam le suavtawg kub huv kuv lub sab.”#Pnk 69.9
18Cov Yudais tej numtswv lug nug Yexus has tas, “Koj puas ua tau tej txujci tseemceeb qha rua peb has tas koj muaj cai tuaj ua le nuav?”
19Yexus teb has tas, “Mej ca le muab lub Tuamtsev nuav rhuav povtseg, hab peb nub xwb kuv yuav rov ua tau dlua ib lub tshab.”#Mat 26.61; 27.40; Mak 14.58; 15.29
20Puab nug Yexus has tas, “Lub Tuamtsev nuav peb ua tau plaub caug rau xyoo txhaj le tav, peb nub xwb koj puas yuav ua tau ib lub?”
21Tabsis lub Tuamtsev kws Yexus has ntawd, yog has txug nwg lub cev. 22Yog le ntawd, thaus Vaajtswv tsaa Yexus sawv huv qhov tuag rov qaab lug lawm, Yexus cov thwjtim ncu dlheev txug tej lug kws nwg has ntawd, puab txhaj ntseeg Vaajtswv Txujlug kws luas sau tseg hab Yexus tej lug.
Yexus Paub tej Kws Tuabneeg Lub Sab Xaav
23Thaus lub sijhawm kws suavdlawg ua Kevcai Hlaa Dlhau ntawd, Yexus tseem nyob huv lub nroog Yeluxalees, muaj tuabneeg coob coob lug ntseeg Yexus, rua qhov puab pum tej txujci tseemceeb kws Yexus ua. 24Tabsis Yexus tsi ntseeg puab sab, rua qhov nwg yeej paub suavdlawg lub sab lawm. 25Tsi taag leejtwg yuav qha nwg lub sab rua Yexus le, rua qhov Yexus yeej paub txhua tug lub sab xaav lawm.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2000 United Bible Societies. All rights reserved.