ܡܙܡܘܪܐ 6
6
ܠܪܝܫ ܓܘܕܐ ܕܙܡܪ̈ܐ: ܒܩܝܬܪ̈ܐ، ܥܠ ܫܡܝܼܢܝܼܬ. ܡܙܡܘܪܐ ܕܕܘܝܕ.
1ܒܟܲܪܒܘܼܟ݂ ܠܵܐ ܡܲܢܟܸܣܸܬ ܠܝܼ، ܝܵܐ ܡܵܪܝܵܐ،
ܘܒܚܸܡܬܘܼܟ݂ ܠܵܐ ܬܲܥܠܡܸܬ ܠܝܼ.
2ܪܲܚܸܡ ܥܲܠܝܼ، ܝܵܐ ܡܵܪܝܵܐ، ܒܗ̇ܝ ܕܟܪܝܼܗܵܐ ܝܘܸܢ ܐܵܢܵܐ،
ܒܲܣܸܡ ܠܝܼ، ܝܵܐ ܡܵܪܝܵܐ، ܒܗ̇ܝ ܕܪܓܝܼܕ ܠܗܘܿܢ ܓܲܪ̈ܡܝܼ.
3ܘܓܵܢܝܼ ܪܓܝܼܕܬܵܐ ܝܠܵܗ̇ ܪܵܒܵܐ.
ܗܲܠ ܐܝܼܡܲܢ، ܝܵܐ ܡܵܪܝܵܐ، ܗܲܠ ܐܝܼܡܲܢ؟
4ܕܘܼܪ، ܝܵܐ ܡܵܪܝܵܐ، ܦܲܨܝܼ ܠܵܗ̇ ܓܵܢܝܼ،
ܦܲܪܸܩ ܠܝܼ ܒܘܼܬ ܛܲܝܒܘܼܬܘܼܟ݂.
5ܒܗ̇ܝ ܕܠܲܝܬ ܓܵܘ ܡܵܘܬܵܐ ܕܟ݂ܵܪܘܼܟ݂،
ܒܫܝܘܿܠ ܡܵܢܝܼ ܒܸܬ ܫܲܒܸܚ ܠܘܼܟ݂؟
6ܟܟ̰ܝܼܚ ܠܝܼ ܡ̣ܢ ܬܲܢܲܚܬܝܼ،
ܟܹܐ ܡܲܣܚܹܝܢ ܫܘܝܼܬܝܼ ܟܠܹܗ ܠܲܝܠܹܐ،
ܒܕܸܡܥܝܼ̈ ܕܘܼܟܵܐ ܕܕܡܵܟ݂ܬܝܼ ܟܹܐ ܡܲܬܪܹܝܢ.
7ܡ̣ܢ ܚܲܫܵܐ ܢܘܝܼܠ ܠܗܘܿܢ ܥܲܝܢܝܼ̈،
ܚܒܹܐ ܠܗܘܿܢ ܒܥܸܠܬܵܐ ܕܟܠܵܝܗܝ ܕܲܠܩܘܼܒ݂ܠܵܝܝܼ̈.
8ܪܚܘܿܩܘܼܢ ܡܸܢܝܼ ܟܠܵܝܗܝ ܦܵܠܚܵܢܹ̈ܐ ܕܥܵܘܠܵܐ،
ܒܗ̇ܝ ܕܫܡܝܼܥ ܠܹܗ ܡܵܪܝܵܐ ܩܵܠܵܐ ܕܒܸܟ݂ܝܝܼ.
9ܫܡܝܼܥܘܼܗ̇ ܝܠܹܗ ܡܵܪܝܵܐ ܦܲܪܦܲܠܬܝܼ،
ܒܸܬ ܩܲܒܸܠ ܡܵܪܝܵܐ ܨܠܘܿܬܝܼ.
10ܒܸܬ ܢܵܟ݂ܦܝܼ ܘܪܵܓܕܝܼ ܪܵܒܵܐ ܟܠܵܝܗܝ ܕܸܫ̃ܡܸܢܝܼ̈،
ܒܸܬ ܕܵܝܪܝܼ ܘܒܸܬ ܢܵܟ݂ܦܝܼ ܡܸܢܫܸܠܬܵܢܹܐ.
Currently Selected:
ܡܙܡܘܪܐ 6: aii
Highlight
Share
Copy
Want to have your highlights saved across all your devices? Sign up or sign in
© 2014, Aramaic Bible Translation, Inc. All rights reserved.